«Манчестер Юнайтед» яримҳимоячиси Мейсон Маунт ёзги трансфер ойнасида «Милан»га кўчиб ўтиши мумкин.
MilanPress хабарига кўра, «россонери»нинг янги бош мураббийи Рубен Аморим 27 ёшли футболчини жамоасида кўришни истамоқда. Португалиялик мутахассис аввалроқ Маунт билан «Манчестер Юнайтед»да бирга ишлаган.
Манбага кўра, инглиз футболчисининг трансфер нархи 25 миллион еврога баҳоланмоқда. Бироқ музокаралар давомида ушбу сумма камайиши мумкин.
Шунингдек, Мейсон Маунтнинг ўзи ҳам Аморим билан яна бирга ишлашга тайёр экани таъкидланмоқда.
Ўтган мавсум яримҳимоячи барча мусобақаларда 25 та учрашувда майдонга тушиб, 3 та гол ва 1 та голли узатмага муаллифлик қилди.
Маунтнинг «Манчестер Юнайтед» билан амалдаги шартномаси 2028 йилнинг ёзига қадар мўлжалланган.
