«Вест Ҳэм» яримҳимоячиси Матеуш Фернандеш тез орада жамоасинп ўзгартириши мумкин.
Инсайдер Николо Скира хабар беришича, португалиялик 21 ёшли футболчи учун курашда «Манчестер Юнайтед» етакчилик қилмоқда.
Қайд этилишича, «Тоттенҳэм» футболчи учун жуда яхши таклиф билан чиққан бўлса-да, «қизил иблислар» келишувга яқин. Томонлар ўртасида ҳозирда фаол музокаралар давом этмоқда.
Шунингдек, «Реал» клуби ҳам Фернандеш бўйича маълумот сўраган. Бироқ жамоанинг янги бош мураббийи Жозе Моуринионинг асосий трансфер мақсади «Челси» яримҳимоячиси Энцо Фернандес экани таъкидланмоқда.
Фернандеш ўтган мавсум барча турнирларда 42 та ўйинда майдонга тушиб, 5 та гол урди ва 5 та голли узатмани амалга оширди.
