Бу ҳақда The Sun нашри хабар берди.
«Манчестер Юнайтед» ва Уругвай миллий жамоаси яримҳимоячиси жаҳон чемпионати гуруҳ босқич 3-тур доирасидаги Испанияга қарши ўйинда (0:1) тиззасидан жиддий жароҳат олди. Бу инглиз клубининг ёзги трансфер ойнасидаги ишларини қийинлаштириши мумкин, деб таъкидлади The Sun.
Манбанинг хабарига кўра, «Манчестер Юнайтед» хавотир билан тиббий текширув натижаларини кутмоқда. Клубдагилар олдинги хочсимон бойлам узилиб кетган бўлса, яримҳимоячи узоқ вақтга сафдан чиққан бўлишидан хавотирда.
Жароҳат олгунга қадар Угарте ёзда Манчестерни тарк этиш учун асосий номзодлардан бири эди. Маълум қилинишича, футболчига А Серия клублари қизиқиш билдираётганди, «Юнайтед» раҳбарияти эса Угартенинг сотувидан тушган пулларни яримҳимоя чизиғини кучайтиришга йўналтирмоқчи эди.
Манчестерликлар «Аталанта»дан Эдерсон трансферини келишиб улгурган ва «Вест Ҳэм»нинг португалиялик яримҳимоячиси Матеуш Фернандеш трансфери устида ишларни давом эттирмоқда. Уругвайлик футболчининг сотилиши яна бир битимга замин яратиши режа қилинганди.
Футболчининг катта маоши «Юнайтед» учун қўшимча бош оғриқ бўлиши мумкин. АПЛ молиявий фейр-плей қоидаларини бузмаслик учун клуб яримҳимоячи трансферидан камида 29,4 миллион евро фойда кўриши керак.
