Британиялик телебошловчи Пирс Морган ва «Кристал Пэлас»нинг собиқ эгаси Саймон Жордан ЖЧ-2026 давомида Португалия миллий жамоаси ҳужумчиси Криштиану Роналдунинг жисмоний ҳолатини муҳокама қилди.
«Ҳа, биласизми, мен нима дердим? Менимча, у ажойиб намуна. Роналду ёш шунчаки рақам эканини исботлаяпти. У 41 ёшда, аммо эҳтимол 30 ёшли инсон танасига эга. Менимча, у ўзини намунали тарзда тутади», — деди Морган.
Бунга жавобан Саймон Жордан Роналдунинг танасига катта эътибор беришини тан олди.
«У танасига жуда яхши қарайди. Бу мени хавотирга солмайди, лекин ҳайратга солади. Мен эса бошқа эркакларнинг танасини таҳлил қилишга вақт сарфламайман», — деди Жордан.
Шундан сўнг Морган кулгили воқеани ҳам эслаб ўтди.
«Х ижтимоий тармоғимдаги маҳкамланган постни кўрсангиз, унда Роналду менга қараб: «Ҳа, сенда яхши пресс бор экан», деган видеони кўрасиз», — деди у.
Жордан эса ҳазил тариқасида жавоб қайтарди:
«У ажойиб футболчи, лекин бу сафар ёлғон гапирган. Бу шунчаки сени хурсанд қилиш учун айтилган илтифот эди», — деди собиқ клуб раҳбари.
