Колумбия миллий жамоаси бош мураббийи Нестор Лоренсо Португалия сардори ва етакчиси Криштиану Роналду ҳақидаги фикрлари билан ўртоқлашди.
«Роналду — ажойиб ўйинчи, дунёдаги энг яхши тўпурарлардан бири. Бизнинг вазифамиз — дарвозамиз олдидаги хавфли ҳудудларда у назоратсиз қолиб кетмаслиги учун ҳамма нарсани қилиш.
Тан олиш керак, Португалия барча жабҳаларда кучли, шунинг учун гап фақат Роналдуни тўхтатиб қолишда эмас. Португалияликларнинг ҳар бир позициясида маҳоратли ўйинчилар бор», — деди Лоренсо.
Эслатиб ўтамиз, Колумбия ва Португалия 28 июн куни ўзаро беллашади. Ҳозирда жанубий америкликлар гуруҳда 6 очко билан пешқадамлик қилмоқда. Португалия ҳисобида эса 4 очко бор.
