«Бавария» Германия миллий жамоаси ҳимоячиси трансферини ҳал қилди

«Бавария» «Айнтрахт» клуби ва Германия миллий жамоаси футболчиси Натаниэл Браунни ўз сафига қўшиб олиш арафасида.

Журналист Флориан Плеттенберг хабар қилишича, клублар 23 ёшли футболчининг трансфери бўйича 55 миллион евро эвазига келишувга эришган.

Шунингдек, томонлар шахсий шартнома шартларини ҳам келишиб олган. Чап қанот ҳимоячиси 2031 йилгача мўлжалланган шартномага имзо чекади.

Ўтган мавсумда Браун Бундеслигада 33 та ўйин ўтказиб, 4 та гол урган ва яна 4 та голли узатма амалга оширган. 2026 йилги Жаҳон чемпионати гуруҳ босқичида эса у икки баҳсда 1 та гол урди ва яна 1 та голга ассистентлик қилди.