«Манчестер Сити» «Ноттингҳэм Форест» яримҳимоячиси Эллиот Андерсон трансфери бўйича келишувга эришди.
Аввалроқ «ўрмончилар» футболчини «шаҳарликлар»га 106+16 миллион фунт эвазига сотишдан бош тортгани ва бонуслардан ташқари 125 миллион фунт талаб қилаётгани хабар қилинганди. The Athletic нашри ёзишича, «Манчестер Сити» ўз таклифини яхшилаган.
Инсайдер Фабрицио Романо маълум қилишича, клублар трансфер бўйича тўлиқ келишувга эришган. 25 июн куни Андерсон «Ноттингҳэм Форест» раҳбариятидан уни «Сити»га қўйиб юборишни сўраган. Айни пайтда Англия миллий жамоаси билан Жаҳон чемпионатида иштирок этаётган 23 ёшли яримҳимоячи АҚШда тиббий кўрикдан ўтиши режалаштирилган.
Шунингдек, Романонинг таъкидлашича, бонусларни ҳам ҳисобга олганда, «Манчестер Сити» ушбу трансфер учун 130 миллион фунт стерлингга яқин маблағ тўлаши мумкин.
Андерсон — «Манчестер Сити» футболчиси (Романо)
Футбол
26 июн, 05:00
Англия миллий жамоаси яримҳимоячиси «Сити»га деярли 130 млн фунтга тушмоқда.
v
