«Ўзбекистонни танитиш — шараф. Тез орада ёнимга бошқа йигитлар ҳам қўшилишади» — Ҳусанов билан махсус интервю

Ўзбекистон миллий жамоаси ва «Манчестер Сити» клуби ҳимоячиси Абдуқодир Ҳусанов ЎФА матбуот хизматига махсус интервю берди.

— Ўзбекистонда футбол қай даражада ривожланмоқда?

— Мамлакатимизда яутбол ривожланмоқда. Президентимизнинг шахсан ўзлари ёрдам беряптилар. Бунга ўзлари жиддий киришган.

— Мундиалга йўлланма олган пайтингиз нималарни ҳис қилдингиз?

— Биринчи Жаҳон чемпионатимиз. Эмоцияларни таърифлаш қийин.

— Жаҳон чемпионатининг илк дақиқалари қандай кечди?

— Юрак тез уришни бошлади. Бошқача бўлди.

— АПЛда ўйнаётган футболчи сифатида ёшларга маслаҳатингиз?

— Ишлашда давом этиш керак. Ҳозир кўп скаутлар кузатишни бошлашди. Ўйлайманки, яна ўзбек футболчиларининг Англия ва Францияга келиши бошланади.

— Болалигингизда Англияда тўп тепиш ҳақида орзу қилганмисиз?

— Албатта. Ёшликдан Англиянинг топ-3 жамоасидан бирида ўйнашни орзу қилиб келганман. Ҳозирча ҳаммаси режа бўйича кетмоқда.

— Ўзбек футболини халқаро майдонда қанчалик билишади?

— Бу — ҳали бошланиши. Бир ўзим эмас, яна бошқа йигитлар ҳам қўшила бошлайди ва бизни янада яхшироқ танишади. Ўзбекистонни танитиш — шараф.

— Футболчи учун энг муҳим хислат?

— Тартиб-интизом.

— Жаҳон чемпионати жамоангиз учун нима бермоқда?

— 4 йилдан кейин яна мундиал бор. Унга ҳам чиқишимиз керак. Ҳамма мотивация олмоқда. Кўришяптики, ўйнаса бўлади.

— Ушбу мундиалдан кейин Ўзбекистонни қандай эслаб қолишади?

— Кучли жамоа деб.