Неймар Бразилия миллий жамоаси билан биринчи тўлиқ машғулотини ўтказди

Неймар ЖЧ-2026 гуруҳ босқичининг 3-туридан ўрин олган Шотландияга қарши ўйин олдидан Бразилия миллий жамоаси билан илк бор тўлиқ машғулот ўтказди.

«Сантос»нинг 34 ёшли ҳужумчиси жароҳати сабаб май ойининг ўрталаридан бери майдонга тушмаётганди. У Бразилиянинг мундиал учун якуний қайдномасига киритилган бўлса-да, турнирдаги дастлабки икки ўйин — Марокаш (1:1) ва Ҳаити (3:0) билан баҳсларни ўтказиб юборди.

Машғулотда «Барселона» вингери Рафиня қатнашмади. У ўнг сон мушакларидан жароҳат олган. Ҳаитига қарши ўйинда асосий таркибда майдонга тушган футболчилардан фақат Алиссон Бекер, Лукас Пакета ва Винисиус Жуниор майдонда машғулот ўтказди. Қолганлар эса спортзалда тикланиш машқлари билан шуғулланишди.

Неймар эса жамоа машғулотларида тўлиқ иштирок этди. Бунга қадар у фақат қизиш машқларининг бир қисмида ёки умумий гуруҳдан алоҳида тўп билан ишлаганди.

Аввалроқ Бразилия миллий жамоаси бош мураббийи Карло Анчелотти Неймарнинг Шотландияга қарши баҳсда майдонга тушиши мумкинлигини айтганди.

Беллашув 25 июн куни бўлибўтади ва Тошкент вақти билан соат 01:00 да бошланади.