Ўзбекистон миллий жамоаси яримҳимоячиси Аббосбек Файзуллаев Жаҳон чемпионати гуруҳ босқичининг 1-турида Колумбия дарвозасига урган голига изоҳ берди.
«Ҳужум қилаётганимизда гол уришим мумкинлигини ҳис қилдим. Менимча, айнан керакли жойда пайдо бўлдим. Бундан жуда хурсандман. Биз тарих ёзишда давом этамиз», — деди Файзуллаев.
Эслатиб ўтамиз, Ўзбекистон миллий жамоаси Жаҳон чемпионатидаги илк баҳсида Колумбияга 1:3 ҳисобида мағлуб бўлди. Учрашувдаги ягона гол муаллифи Аббосбек Файзуллаев бўлди.
Маълумот учун, Файзуллаевнинг ушбу голи Ўзбекистон миллий жамоасининг Жаҳон чемпионатлари тарихидаги илк гол сифатида қайд этилди. Мундиал АҚШ, Канада ва Мекcикада 11 июндан 19 июлгача давом этади.
