Мюнхеннинг «Бавария» клуби собиқ форварди Томас Мюллер Германия миллий жамоаси устози Юлиан Нагелсманнинг жаҳон чемпионати гуруҳ босқичи 3-тур доирасида Эквадор билан баҳсда (1:2) ротацияга қўл урмаслигини қўллаб-қувватлади.
«Агарда мен Юлиан Нагелсман бўлганимда, худди шундай йўл тутардим ва жамоа стабилликка эришиши учун ҳаракат қилардим. Мен ҳам дарвозада Мануэл Нойерни қолдирган бўлардим. Биз бу ерга совғалар улашиш учун келмаганмиз», — деди Мюллер Magenta TV эфирида.
Маълумот учун, гуруҳнинг сўнгги баҳсида Нойер дарвозасидан 2 та тўп олиб чиқди ва Германия мағлубиятга учради. Шундай бўлса-да, немислар 6 очко билан E гуруҳидан плей-оффга 1-ўриндан чиқди.
