«Манчестер Юнайтед» ва «Ливерпул» «Тоттенҳэм» марказий ҳимоячиси Лука Вушковичга қизиқиш билдирмоқда. Бу ҳақда Caught Offside хабар бермоқда.
Манбага кўра, «тақачилар» хорватиялик 19 ёшли футболчининг трансферини тахминан 70 миллион еврога баҳоламоқда.
Асосий даъвогар сифатида «Ливерпул» кўрсатилмоқда. Мерсисайдликлар ёши катталашиб бораётган Виржил ван Дейкка ўринбосар сифатида Вушковични кузатмоқда.
Ўтган мавсумда Вушкович «Ҳамбург»да ижара асосида ўйнаган. У барча турнирларда 30 та ўйинда майдонга тушиб, олтита гол ва битта голли узатмага муаллифлик қилган. Футболчининг Лондон клуби билан амалдаги меҳнат шартномаси 2030 йил ёзигача мўлжалланган.
Transfermarkt порталида тақдим этилган маълумотларга кўра, футболчининг бозор нархи 60 миллион еврони ташкил қилади.
