Бу ҳақда El Espectador ўзининг X тармоғидаги саҳифасида хабар берди.
Уругвай миллий жамоаси футболчилари Федерико Валверде, Мануэл Угарте, Родриго Бентанкур ва Серхио Рочет бош мураббий Марсело Биелса билан учрашиб, ортиқ унинг иш услубига «чидаб тура олмасликлари»ни маълум қилишган. Футболчилар керагидан ортиқ юкламалар оқибатида ўйинчилар жароҳат олаётганидан норози.
Манбанинг хабарига кўра, футболчилар шу билан бирга жаҳон чемпионати 3-тури доирасида Испанияга қарши баҳсда (27 июн) чуқур ҳимояланиб, қарши ҳужумларда ўйнашни исташларини маълум қилишган. Шундан сўнг Биелса бутун жамоани йиғиб, 48 дақиқа давомида вазият борасида ўз фикрларини билдирган. 70 ёшли мутахассис таъкидлаганки, у Испанияга қарши рақибнинг тактикасини қўлламоқчилигини айтган, бу эса футболчиларга умуман ёқмаган.
Таъкидланишича, баъзи футболчилар йиғилиш якунига етмай, уни тарк этишган.
