«Арсенал» клуби ва Испания миллий жамоаси кипери Давид Райя жамоанинг ЖЧ-2026 учун якуний қайдномасига киритилгани ҳақида гапириб ўтди.
«Бу менинг иккинчи жаҳон чемпионатим, бу орзу. Бу ерда эканлигимдан жуда ҳам хурсандман. Мен «Арсенал»да муваффақиятли йил ўтказдим: учинчи бор «Олтин қўлқоп»га эга чиқтим ва Премер-лигада чемпион бўлдим. Болалигимизда барчамиз жаҳон чемпиони бўлиш ҳақида орзу қиламиз. Аммо жаҳон чемпионатида ўйнаш имконияти ҳам ҳаттоки ҳар куни ҳам бўлавермайди», — дея Райя сўзларидан иқтибос келтирди Фабрицио Романо.
Таъкидлаш лозим, Райя — Испания миллий жамоасининг мусобақадаги биринчи рақами эмас. Дастлабки икки ўйинда дарвозани Унай Симон қўриқлади.
H гуруҳида Луис де ла Фуенте шогирдлари 4 очко билан етакчилик қилмоқда. Сўнгги турда жамоани Уругвайга қарши баҳс кутиб турибди.
