Бу ҳақда журналист Лука Черчионе хабар бермоқда.
«Аталанта»нинг қанот ҳимоячиси Марко Палестра Лондоннинг «Челси» клубида пайдо бўлиши мумкин.
Манбага кўра, кеча кечқурун «Челси» 21 ёшли футболчи учун «Аталанта»га 55 миллион евродан ортиқ маблағ таклиф қилган. Аммо, Палестранинг ўзи «Интер»га ўтишни исташи айтилмоқда.
Шу билан бирга, агар «Челси» шартнома шартларини бироз ўзгартирса, ҳимоячи ўз қарорини ўзгартириши мумкинлиги истисно қилинмаган. Лекин, ҳозирча «Интер» бу пойгада етакчилик қилмоқда.
Ўтган мавсумда Палестра ижара асосида «Каляри» шарафини ҳимоя қилди. У А Сериянинг 37 та ўйинда майдонга тушиб, 1 та гол урди ва 4 та голли узатма етказиб берди.
