АҚШ миллий жамоаси ҳужумчиси Фоларин Балогун «Монако»ни тарк этиши мумкин.
The Athletic нашри хабар беришича, монегасклар сафида тўп тепаётган 24 ёшли футболчи жамоадан кетишга мойиллик билдирмоқда.
Унга Англия ва Европанинг бошқа чемпионатларидаги бир нечта клублар қизиқиш кўрсатмоқда.
Ҳужумчининг «Монако» билан шартномаси 2028 йилнинг ёзига қадар амал қилади.
Франция клуби Балогун бўйича таклифларни кўриб чиқишга қарши эмас. Клуб футболчи учун тахминан 50 миллион евро ишлаб олишни режалаштирган.
Якунланган мавсумда Балогун Франция чемпионатида 30 та ўйинда 13 та гол урди.
