Испания миллий жамоаси кеча, 22 июн куни тўлиқ машғулот ўтказа олмади. Бу ҳақда Sport.es нашри хабар берди.
Маълум қилинишича, «қизил фурия» футболчилари машғулот майдонига чиққан, аммо 20 дақиқадан сўнг бўрон ҳақидаги огоҳлантириш сабаб машғулотни тўхтатишга мажбур бўлган. Кейинчалик футболчилар залда жисмоний машқлар билан чекланган.
Маълумот ўрнида, жаҳон чемпионати гуруҳ босқич 2-туридан сўнг Испания миллий жамоаси 4 очко тўплаб, ўз гуруҳида пешқадамлик қилмоқда. Луис де ла Фуэнте шогирдлари навбатдаги ўйинини Уругвайга қарши ўтказади.
Аввалроқ Швейцария миллий жамоаси заҳарли илонлар сабаб кенг қамровли машғулот дастуридан воз кечгани маълум қилинганди.
