Норвегия миллий жамоаси ҳужумчиси Эрлинг Ҳоланд жаҳон чемпионати гуруҳ босқич 2-тур доирасидаги Сенегалга қарши ўйин (3:2)да дубл муаллифи бўлди.
Ҳозирда 25 ёшли «Манчестер Сити» футболчисининг ҳисобида мундиалдаги икки ўйинда 4 та гол мавжуд. Шу тариқа, у Норвегия тарихида жаҳон чемпионатлари доирасидаги энг яхши тўпурарга айланди ва Хиетил Рекдалнинг натижасини (1994 ва 1998 йиллардаги мундиалларда 7 ўйинда 2 гол) ортда қолдирди.
Қайд этиш лозим, бу мусобақа Норвегия миллий жамоаси учун тарихдаги атиги тўртинчи мундиал ҳисобланади. Жамоа илк бор 1938 йилда мусобақада иштирок этган.
