Месси Клозенинг яна бир рекордини янгилади

Аргентина миллий жамоаси ҳужумчиси Лионел Месси Жаҳон чемпионатларидаги 18-ўйинида ғалаба қозонди.

Амалдаги жаҳон чемпионлари ЖЧ-2026 2-турида Австрияни (2:0) мағлуб этишди. Иккала голга ҳам Лео муаллифлик қилди.

Натижада «Интер Майами»нинг 38 ёшли ҳужумчиси мундиаллардаги ғалабалар сони бўйича рекорд ўрнатди. У 17 та ўйинни ютган Мирослав Клозени ортда қолдирди.

Таққослаш учун, Месси ЖЧда 28 та, Клозе эса 24 та ўйин ўтказган.

Шунингдек, аргентиналиклар сардори мундиалларда қаторасига 6 та баҳсда гол уриб, бу борада франциялик Жюст Фонтен (ЖЧ-1958да) ва бразилиялик Жаирзинионинг (ЖЧ-1970) рекордини такрорлади.

Месси аввалроқ Жаҳон чемпионатларидаги голлар сони бўйича ҳам Клозенинг рекордини янгилаганди.