Kolumbiya milliy jamoasi bosh murabbiyi Nestor Lorenzo Portugaliya sardori va yetakchisi Krishtianu Ronaldu haqidagi fikrlari bilan oʻrtoqlashdi.
"Ronaldu — ajoyib oʻyinchi, dunyodagi eng yaxshi toʻpurarlaridan biri. Bizning vazifamiz — darvozamiz oldidagi xavfli hududlarda u nazoratsiz qolib ketmasligi uchun hamma narsani qilish.
Tan olish kerak, Portugaliya barcha jabhalarda kuchli, shuning uchun gap faqat Ronalduni to'xtatib qolishda emas. Portugaliyaliklarning har bir pozitsiyasida mahoratli oʻyinchilar bor", — dedi Lorenzo.
Eslatib oʻtamiz, Kolumbiya va Portugaliya 28 iyun kuni oʻzaro bellashadi. Hozirda janubiy amerikaliklar guruhda 6 ochko bilan peshqadamlik qilmoqda. Portugaliya hisobida esa 4 ochko bor.
