«Атлетико» клуби «Спортинг» яримҳимоячиси Мортен Юлманy учун асосий даъвогарга айланди. Бу ҳақда Marca хабар тарқатди.
Манбага кўра, клубнинг спорт директори Матеу Алемани дастлаб «Вулверҳэмптон» футболчиси Жоау Гомес трансферини якунлашга яқин келган эди. Бироқ Бернарду Силва бўйича амалга ошмай қолган келишув ортидан агент Жорже Мендеш билан муносабатлар мураккаблашгани сабабли музокаралар тўхтатилди.
Шундан сўнг «Атлетико» эътиборини Мортен Юлманнга қаратди. Бош мураббий Диего Симеоне даниялик 27 ёшли яримҳимоячининг ўйинини юқори баҳоламоқда ва клуб раҳбарияти яқин ҳафталарда расмий таклиф билан чиқиш имкониятини кўриб чиқмоқда.
Transfermarkt маълумотига кўра, унинг бозор қиймати тахминан 45 миллион еврони ташкил этади.
