«Нюкасл» яримҳимоячиси Бруно Гимараеш ёзги трансферлар ойнасида «Ливерпул»нинг асосий нишонларидан бири бўлиб турибди.
Журналист Бен Жейкобснинг хабарига кўра, мерсисайдликлар футболчи бўйича «Нюкасл»дан маълумот сўраган. Бироқ айни пайтда клублар ўртасида фаол музокаралар олиб борилмаяпти.
Манбага кўра, «Ливерпул» аввалроқ 28 ёшли бразилиялик яримҳимоячининг вакиллари билан ҳам мулоқот қилган, аммо ҳозирча расмий таклиф юбормаган.
Таъкидланишича, Гимараеш учун курашда ҳозирча «Арсенал» олдинда бормоқда. Шунга қарамай, «Нюкасл» ўзининг етакчи футболчисини жамоада сақлаб қолишни истамоқда.
Бруно Гимараеш ўтган мавсум барча мусобақаларда 41 та баҳсда майдонга тушиб, 9 та гол урди ва 8 та голли узатмага муаллифлик қилди.
