Бу ҳақда машҳур Mirror нашри хабар берди.
«Барселона» Энтони Гордоннинг «Нюкасл»дан трансферини тезлаштириш учун 2 та бандга розилик билдирган. Натижада испанлар АПЛ вакилига 70 миллион евродан ташқари, қўшимча яна 10 млн евро тўлаб бериши мумкин.
Манбанинг хабар беришича, «Барселона» сафида Гордон билан ютган совринларига қараб, «Нюкасл» яна 5 млн евро ишлаб олиши мумкин. Қолган 5 миллион эса футболчининг самарадорлигига боғлиқ бўлади.
Бундан ташқари, «Нюкасл» Гордонннинг Каталония клубидаги ҳар бир мавсуми учун қўшимча 1 млн евродан фойда кўради (ўйинчининг амалдаги шартномаси 2031 йилгача мўлжалланган). Бунинг учун Энтони мавсум давомида ўйинларнинг камида 60%да иштирок этиши талаб этилади.
