Франция миллий жамоаси бош мураббийи Дидие Дешамнинг ёрдамчиси Ги Стефан ҳужумчи Килиан Мбаппенинг футболчи сифатида ҳам, инсонийлик жиҳатларини ҳам юқори баҳолаб, унинг манзилига бўлаётган танқидларни тушунмаслигини таъкидлади.
«У ажойиб футболчи, ажойиб инсон. Мен бир нарсани тушуна олмайман: қандай қилиб кимдир уни танқид қилиши мумкин? Уни 2017 йилдан буён кузатиб келаман. Ва у ҳеч қачон ҳайратда қолдиришдан тўхтамайди. Шундай мураббийлар бор, Пелени шуғуллантирганини таъкидлаб, фахрланиб юради. Мен эса Мбаппени шуғуллантирганман, дея оламан.
Килиан жамоа ўйинини кучайтириш имконини берадиган ҳар бир деталга талабчан. У ажойиб етакчи ва ҳурматга лойиқ сардор», — дея Ги Стефан сўзларини келтиради Le Parisien.
