Fransiya milliy jamoasi bosh murabbiyi Didiye Deshamning yordamchisi Gi Stefan hujumchi Kilian Mbappening futbolchi sifatida ham, insoniylik jihatlarini ham yuqori baholab, uning manziliga bo‘layotgan tanqidlarni tushunmasligini ta’kidladi.
«U ajoyib futbolchi, ajoyib inson. Men bir narsani tushuna olmayman: qanday qilib kimdir uni tanqid qilishi mumkin? Uni 2017-yildan buyon kuzatib kelaman. Va u hech qachon hayratda qoldirishdan to‘xtamaydi. Shunday murabbiylar bor, Peleni shug‘ullantirganini ta’kidlab, faxrlanib yuradi. Men esa Mbappeni shug‘ullantirganman, deya olaman.
Kilian jamoa o‘yinini kuchaytirish imkonini beradigan har bir detalga talabchan. U ajoyib yetakchi va hurmatga loyiq sardor», — deya Gi Stefan so‘zlarini keltiradi Le Parisien.
