Braziliya futbol konfederatsiyasi jahon chempionati-2026 guruh bosqichi doirasidagi Shotlandiyaga qarshi o‘yindan (3:0) keyin FIFAga hakamlik yuzasidan shikoyat qildi.
Tashkilotdagilar bahsning 22-daqiqasida Vinisius Juniorning goli bekor qilinganidan norozi va hakamning yaqqol xatosi yo‘q holatda ham VAR masalaga aralashgani bo‘yicha izoh talab qilmoqda.
Konfederatsiya prezidenti Samir Xaud imzolagan hujjat FIFA rahbari Janni Infantinoga yo‘llangan. Shuningdek, braziliyaliklar musobaqadagi keyingi o‘yinlariga meksikalik hakam Sesar Arturo Ramosni tayinlamaslikni talab qilgan.
