Испания миллий жамоаси яримҳимоячиси Педри аргентиналик ҳужумчи Лионел Месси ўйинидан ҳайратини яшириб ўтиргани йўқ.
«Мен Месси билан ўйнаш ва машқ қилиш бахтига муяссар бўлганман ва бу мен учун жуда катта бахт. Ундан кўп нарсани ўргандим ва энди унинг ўйинини кузатиш янада ёқимлироқ. У бошқаларга қараганда маҳоратлироқ ва футболни бошқалардан бироз аввалроқ кўради. Гол уриш учун қаерда бўлиш кераклигини доим билади. Менимча, у ўз ёшида бундай ишларни қила оладиган ягона инсон», — дея таъкидлади Педри Marca нашрига.
Эслатиб ўтамиз, жаҳон чемпионати-2026 2 ўйинида Месси 5 та гол уришга муваффақ бўлди ва мундиаллардаги голлари сонини 18 тага етказди.
