Аргентина миллий жамоаси ва «Интер Майами» ҳужумчиси Лионел Месси ЖЧ-2030да иштирок этиш эҳтимоли ҳақида фикр билдирди.
Бугун, 24 июн куни 39 ёшни қарши олган футболчидан келажакдаги режалари ва навбатдаги мундиалда ўйнаш имконияти ҳақида сўралди.
«Билмайман. Ростини айтсам, ҳозир бу ҳақда ўйламаяпман. Бу жуда узоқ истиқболдек туюлади. Аввал ҳам айтганимдек, мен бугунги кун билан яшайман ва эътиборимни ҳозирги вазиятга қаратаман», — дея Мессининг сўзларини журналист Фабрицио Романо Х ижтимоий тармоғида маълум қилди.
Маълумот учун, Лионел Месси Жаҳон чемпионатлари тарихидаги энг яхши тўпурар ҳисобланади. Аргентина миллий жамоаси сардори мундиалларда 18 та гол урган. Шунингдек, у 2022 йилги Жаҳон чемпионатида Аргентина билан бош совринни қўлга киритган. Айни пайтда Месси ЖЧ-2026да ҳам ўз жамоасининг асосий етакчиларидан бири бўлиб турибди.
