Хорватия миллий жамоаси ҳужумчиси Анте Будимир Жаҳон чемпионати тарихидан жой олган рекордни янгилади.
Панама миллий жамоасига қарши гуруҳ босқичининг 2-тур баҳсида ягона гол муаллифига айланган Будимир Хорватия тарихидаги энг ёши катта гол урган футболчи бўлди.
Оptа маълумотига кўра, ҳужумчи бу натижани 34 ёш-у 337 кунлигида қайд этди. Шу тариқа у 2014 йилги Жаҳон чемпионатида Ивица Олич ўрнатган рекордни ортда қолдирди. Олич ўша пайтда 34 ёш-у 277 кунлигида гол урганди.
Будимирнинг голи Хорватияга Панама устидан 1:0 ҳисобидаги муҳим ғалабани тақдим этди.
Маълумот учун, Хорватия миллий жамоаси икки турдан кейин 3 очко билан L гуруҳида учинчи ўринда бормоқда. Жамоа плей-офф йўлланмаси тақдирини ҳал қиладиган сўнгги турда Гана миллий жамоасига қарши майдонга тушади. Баҳс 28 июн куни бўлиб ўтади.
