Xorvatiya milliy jamoasi hujumchisi Ante Budimir Jahon chempionati tarixidan joy olgan rekordni yangiladi.
Panama milliy jamoasiga qarshi guruh bosqichining 2-tur bahsida yagona gol muallifiga aylangan Budimir Xorvatiya tarixidagi eng yoshi katta gol urgan futbolchi bo‘ldi.
Opta ma’lumotiga ko‘ra, hujumchi bu natijani 34 yosh-u 337 kunligida qayd etdi. Shu tariqa u 2014 yilgi Jahon chempionatida Ivitsa Olich o‘rnatgan rekordni ortda qoldirdi. Olich o‘sha paytda 34 yosh-u 277 kunligida gol urgandi.
Budimirning goli Xorvatiyaga Panama ustidan 1:0 hisobidagi muhim g‘alabani taqdim etdi.
Ma’lumot uchun, Xorvatiya milliy jamoasi ikki turdan keyin 3 ochko bilan L guruhida uchinchi o‘rinda bormoqda. Jamoa pley-off yo‘llanmasi taqdirini hal qiladigan so‘nggi turda Gana milliy jamoasiga qarshi maydonga tushadi. Bahs 28 iyun kuni bo‘lib o‘tadi.
