Аргентина миллий жамоаси ҳужумчиси Лионел Месси яқин йилларда футболчилик фаолиятини якунлашни режалаштирмаётганини маълум қилди.
«Ҳа, мен ҳали бир муддат, яна бир неча йил футбол ўйнашда давом этаман. Соғлиғим имкон бергунча ва жамоаларимга фойда келтира олсам, майдонда бўламан», — дея Мессининг сўзларини келтирди Фабрицио Романо.
39 ёшли футболчи ЖЧ-2026да ажойиб спорт формасини намойиш этмоқда. Месси Аргентина миллий жамоасининг турнирдаги барча бешта голида муаллифлик қилган. Шунингдек, у Австрияга қарши баҳсда пеналти тепиш имкониятидан фойдалана олмади.
Эслатиб ўтамиз, Аргентина миллий жамоаси дастлабки икки турда ғалаба қозониб, муддатидан аввал плей-офф босқичига йўл олди. Жамоа гуруҳдаги сўнгги баҳсини Иордания миллий жамоасига қарши ўтказади.
Маълумот учун, Месси ЖЧ тарихидаги энг яхши тўпурар ҳисобланади. У мундиаллар доирасида 18 та гол уриб, бу борада Мирослав Клозе рекордини ортда қолдирган.
