Испания миллий жамоаси ва Леверкузеннинг «Байер» клуби ҳимоячиси Алехандро Грималдо «Атлетико» футболчисига айланиш арафасида турибди.
Инсайдер Маттео Мореттонинг маълум қилишича, томонлар трансфернинг деярли барча шартлари бўйича келишувга эришган. Агар кутилмаган ҳолат юз бермаса, битим бугуннинг ўзида расман якунланади.
Аввалроқ Мадрид клуби 30 ёшли футболчи учун тахминан 20 миллион евро тўлаши ҳақида хабарлар тарқалганди.
Грималдо сўнгги уч мавсум давомида «Байер» шарафини ҳимоя қилди. Унинг Леверкузен клуби билан амалдаги шартномаси яна бир йил амал қилади.
Испаниялик футболчи якунланган мавсумда юқори самарадорлик намойиш этиб, 46 та баҳсда 14 та гол ва 12 та ассист қайд этди.
Маълумот учун, Алехандро Грималдо Испания миллий жамоасининг асосий чап қанот ҳимоячиларидан бири ҳисобланади. У 2023 йилда эркин агент сифатида «Бенфика»дан «Байер»га ўтган ва Германия клубининг муваффақиятларида муҳим рол ўйнаган.
