Мадриднинг «Атлетико» клуби «Байер» чап қанот ҳимоячиси Алеҳандро Грималдо трансфери бўйича келишувга эришди.
«Матрасчилар» 30 ёшли футболчи учун 12 млн евро сарфлайди. Таъкидланишича, икки клуб ўртасидаги музокаралар у қадар қийин ўтмайди. Бу ҳақда Marca нашри хабар берди.
Грималдо немис клуби сафида 2023 йил ёзидан буён ҳаракат қилади. Ўтган мавсумда футболчи барча мусобақаларни инобатга олганда 46 ўйинда майдонга тушиб, 14 та гол урди ва 12 та голли узатма етказиб берди.
Испанияликнинг клуб билан амалдаги шартномаси 2027 йилгача мўлжалланган.
Transfermarkt портали футболчининг актуал трансфер нархини 20 млн еврога баҳоламоқда.
