Мадриднинг «Атлетико» клуби стадиони яқинидаги махсус дўконларида Хулиан Алварес исми туширилган бирорта ҳам футболка сотилмаяпти.
Бу ҳақда The Touchline нашри хабар берди. Охирги ҳафталарда аргентиналик форварднинг эҳтимолий трансфери ҳақидаги шов-шувлардан кейин бу кўпчиликнинг эътиборини тортди. Ёзда Алварес Мадрид жамоасини тарк этишни ният қилганди, бироқ клуб уни «Барселона»га қўйиб юбормасликка қарор қилди. Лондоннинг «Арсенал» клуби вариантини футболчининг ўзи рад этди.
Аввалроқ, мадридликлар устози Диего Симеоне ҳужумчи машғулотларда яхши шуғулланаётгани ва «Атлетик» билан баҳс қайдномасига киритилишини маълум қилган эди.
