Madridning «Atletiko» klubi stadioni yaqinidagi maxsus do‘konlarida Xulian Alvares ismi tushirilgan birorta ham futbolka sotilmayapti.
Bu haqda The Touchline nashri xabar berdi. Oxirgi haftalarda argentinalik forvardning ehtimoliy transferi haqidagi shov-shuvlardan keyin bu ko‘pchilikning e’tiborini tortdi. Yozda Alvares Madrid jamoasini tark etishni niyat qilgandi, biroq klub uni «Barselona»ga qo‘yib yubormaslikka qaror qildi. Londonning «Arsenal» klubi variantini futbolchining o‘zi rad etdi.
Avvalroq, madridliklar ustozi Diyego Simeone hujumchi mashg‘ulotlarda yaxshi shug‘ullanayotgani va «Atletik» bilan bahs qaydnomasiga kiritilishini ma’lum qilgan edi.
