Madridning «Atletiko» klubi bosh murabbiyi Diyego Simeone forvard Xulian Alvares La Liga doirasidagi o‘yinga Bilbaoga jamoa bilan yo‘l olganini ma’lum qildi.
«U yaxshi shug‘ullanmoqda. Xulian qaydnomaga kiritiladi, Bilbaoga yo‘l oladigan jamoaning bir bo‘lagi bo‘ladi. Biz undan ham, tarkibdagi boshqa futbolchilardan ham maksimal harakatni kutyapmiz», - deya Simeone so‘zlaridan iqtibos keltirdi AS.
Avvalroq, argentinalik futbolchi Madrid klubini tark etishi haqida mish-mishlar tarqaldi, biroq yozgi transfer oynasi yopilib, forvard «Atletiko»da qoldi.
Eslatib o‘tamiz, «Atletik» - «Atletiko» bellashuvi shanba, 5 sentyabr kuni bo‘lib o‘tadi.
Muxlislar bu yangilikni Telegram’da muhokama qilmoqda
Izohlar Telegram’da ochiladi