Мадриднинг «Атлетико» клуби бош мураббийи Диего Симеоне форвард Хулиан Алварес Ла Лига доирасидаги ўйинга Билбаога жамоа билан йўл олганини маълум қилди.
«У яхши шуғулланмоқда. Хулиан қайдномага киритилади, Билбаога йўл оладиган жамоанинг бир бўлаги бўлади. Биз ундан ҳам, таркибдаги бошқа футболчилардан ҳам максимал ҳаракатни кутяпмиз», - дея Симеоне сўзларидан иқтибос келтирди AS.
Аввалроқ, аргентиналик футболчи Мадрид клубини тарк этиши ҳақида миш-мишлар тарқалди, бироқ ёзги трансфер ойнаси ёпилиб, форвард «Атлетико»да қолди.
Эслатиб ўтамиз, «Атлетик» - «Атлетико» беллашуви шанба, 5 сентябр куни бўлиб ўтади.
Мухлислар бу янгиликни Telegram’да муҳокама қилмоқда
Изоҳлар Telegram’да очилади