Мадриднинг «Реал» клуби бош мураббийи Жозе Моуринио янги мавсум учун устувор тактик схемани белгилаб олди.
Тhe Athletic хабарига кўра, португалиялик мутахассис 2026/27 йилги мавсумда асосан 4-2-3-1 схемасидан фойдаланишни режалаштирмоқда.
Мазкур жойлашувда Килиан Мбаппе марказий ҳужумчи сифатида ўйнайди. Бу эса Винисиус Жуниорга ўзининг энг қулай позицияси — чап қанот вингери сифатида ҳаракат қилиш имконини беради.
Ўтган мавсумда мадридликлар турли тактик схемалардан фойдаланган бўлса-да, энг кўп 4-4-2нинг турли кўринишлари қўлланилган. Унда Мбаппе ва Винисиус ҳужум чизиғида биргаликда ҳаракат қилган эди.
Маълумот учун, Жозе Моуринио июн ойининг бошида «Реал» бош мураббийи этиб тайинланган. Португалиялик мутахассис Мадрид клуби билан 2029 йилнинг ёзигача мўлжалланган шартнома имзолаган. Унинг асосий вазифаларидан бири жамоани Европа ва Испания футболидаги етакчи позицияга қайтариш ҳисобланади.
