Оptа суперкомпютери Жаҳон чемпионатининг гуруҳ босқичи 2-туридан сўнг турнир фаворитлари рейтингини янгилади.
Янгиланган прогнозга кўра, Аргентина миллий жамоаси мундиал бош совринига асосий даъвогар сифатида кўрсатилган. Лионел Месси бошчилигидаги жамоа дастлаб Жазоирни 3:0, кейин эса Австрияни 2:0 ҳисобида мағлуб этиб, рейтингда биринчи ўринга кўтарилди.
Аввал етакчилик қилган Франция миллий жамоаси иккинчи поғонага тушган бўлса, Испания миллий жамоаси кучли учликни якунлаб турибди.
Оptа талқинига кўра ЖЧ-2026 ғолиблиги учун асосий даъвогарлар:
Аргентина — 15,6%
Франция — 15,1%
Испания — 12,8%
Англия — 10,6%
Германия — 6,6%
Португалия — 5,3%
Норвегия — 5,2%
Бразилия — 5%
Нидерландия — 4,3%
АҚШ — 4%
Маълумот учун, Аргентина миллий жамоаси амалдаги жаҳон чемпиони ҳисобланади. Жамоа ЖЧ-2026 гуруҳ босқичининг дастлабки икки турида максимал натижа қайд этиб, муддатидан аввал плей-офф босқичига йўл олди.
