«Фенербаҳче» ҳимоячиси Милан Шкриняр фаолиятини «Бенфика»да давом эттириши мумкин. Бу ҳақда Record нашри хабар берди.
Манбага кўра, Лиссабон клуби президенти Руй Кошта ҳимояга янги футболчи олиб келиш ҳақидаги саволга жавоб берар экан, «Атлетико» ҳимоячиси Хосе Хименес вариантини рад этди. Бироқ у словакиялик 31 ёшли ҳимоячига қизиқиш борлигини инкор этмади.
Шкриняр 2024 йилда Жозе Моуринио «Фенербаҳче» бош мураббийи этиб тайинланганидан сўнг турк клубига қўшилган эди.
Милан ўтган мавсум барча турнирларда 40 та учрашувда майдонга тушиб, 1 та гол, 2 та голли узатма ва 10 та сариқ карточка қайд этди.
Transfermarkt маълумотларига кўра, Шкринярнинг бозор қиймати 10 миллион еврога тенг.
Унинг «Фенербаҳче» билан амалдаги шартномаси 2029 йилгача мўлжалланган.
