«Реал» клуби вингер Винисиус Жуниор билан узоқ муддатли ҳамкорликни давом эттириш ниятида.
Marca нашри хабар беришича, Мадрид клуби президенти Флорентино Перес футболчига янги шартнома доирасида йиллик 25 миллион евро маош таклиф қилишга тайёр. Аввалги таклиф миқдори 20 миллион евро бўлгани айтилаётган эди.
Шу орқали «Реал» Винисиусни жамоанинг келажакдаги муҳим футболчиларидан бири сифатида сақлаб қолмоқчи.
Бразилиялик футболчининг амалдаги шартномаси 2027 йилнинг ёзига қадар мўлжалланган.
Ўтган мавсумда Винисиус «қироллик» клуби сафида барча турнирларда 53 та учрашув ўтказиб, 22 та гол ва 14 та голли узатма қайд этган.
Transfermarkt портали маълумотларига кўра, футболчининг трансфер қиймати 140 миллион евродан баҳоланмоқда.
