«Реал» клуби раҳбарияти яримҳимоячи Федерико Валвердени жамоанинг муҳим етакчиларидан бири сифатида кўришда давом этмоқда.
Marca нашри хабар беришича, Мадрид клуби уругвайлик хавбекга бўлган ишончини сақлаб қолган. Футболчи келаси мавсумда жамоа сардорларидан бирига айланиши кутилмоқда.
Шу сабабли унинг жамоани тарк этиши варианти раҳбарият томонидан кўриб чиқилмаяпти.
Сўнгги мавсум Вальверде учун турли воқеаларга бой бўлди. Унинг майдондаги самарали ўйини айрим баҳсли ҳолатлар билан бирга кечган бўлса-да, клуб ичида унга нисбатан муносабат ўзгармаган.
Аввалроқ унга «ПСЖ» ва «Манчестер Юнайтед» жамоаларидан қизиқиш бўлаётгани хабар қилинганди.
