«Real» klubi vinger Vinisius Junior bilan uzoq muddatli hamkorlikni davom ettirish niyatida.
Marca nashri xabar berishicha, Madrid klubi prezidenti Florentino Peres futbolchiga yangi shartnoma doirasida yillik 25 million yevro maosh taklif qilishga tayyor. Avvalgi taklif miqdori 20 million yevro bo‘lgani aytilayotgandi.
Shu orqali «Real» Vinisiusni jamoaning kelajakdagi muhim futbolchilaridan biri sifatida saqlab qolmoqchi.
Braziliyalik futbolchining amaldagi shartnomasi 2027 yilning yoziga qadar mo‘ljallangan.
O‘tgan mavsumda Vinisius «qirollik» klubi safida barcha turnirlarda 53 ta uchrashuv o‘tkazib, 22 ta gol va 14 ta golli uzatma qayd etgan.
Transfermarkt portali ma'lumotlariga ko‘ra, futbolchining transfer qiymati 140 million yevrodan baholanmoqda.
