Алварес фақат «Барселона»га ўтишни хоҳлайди — манба

«Атлетико» ҳужумчиси Хулиан Алварес ёзги трансферлар ойнасида клубини алмаштиришга қатъий қарор қилган.

Аргентиналик футболчи фаолиятини давом эттириш бўйича бошқа вариантларни рад этиб, фақат «Барселона»га ўтишни истамоқда.

«Хулианнинг Англияга қайтиш нияти йўқ, шунингдек, у «ПСЖ»га ҳам боришни хоҳламайди. Унинг ягона истаги — «Барселона»га ўтиш. Каталония клуби уни ўз сафига қўшиб олиш учун ҳаракат қилади. Энди улар 130-140 миллион евролик нархгача чиқа оладими-йўқми, кўрамиз. Менимча, «Атлетико» ва «Барселона» ўртасида музокаралар давом этади.

Шунингдек, футболчининг «Атлетико»да қолиб кетиши эҳтимоли жуда паст. Хулиан ва Диего Симеоне ўзаро яхши чиқишмайди», — деб ёзди Маттео Моретто X ижтимоий тармоғида.