Мадриднинг «Атлетико» клуби «Рома» яримҳимоячиси Ману Конени сотиб олишни режалаштирмоқда. Бу ҳақда Corriere della Sera нашри хабар берди.
Манба хабарига кўра, «матрасчилар» франциялик 25 ёшли футболчининг трансфери учун 45 миллион евро таклиф қилган. Шунга қарамай, Коне ушбу трансферга қарши бўлган.
Шу билан бирга, агар у фикрини ўзгартирса, музокаралар зудлик билан қайта бошланади.
Коненинг ўзи Англия Премер-лигасида ўйнашни истайди. Аввалроқ у «Арсенал»га розилик берган эди, аммо «тўпчилар» «Рома» билан музокараларда олға силжимади. Шунингдек, «Челси» ва «Тоттенҳэм» ҳам вазиятни ўрганган.
Ўтган мавсумда Коне барча турнирларда 37 та ўйинда майдонга тушиб, иккита гол урди ва 3 та ассистни қайд этган.
