Испания миллий жамоаси ҳужумчилари Йереми Пино ва Нико Уилямс жаҳон чемпионати 3-турида Уругвайга қарши ўйиндан сўнг тиббий кўрикдан ўтказилди.
Маълумотларга кўра, текширув натижалари дастлаб кутилганидан ижобийроқ чиққан.
Пинода елка суяги атрофидаги синиш ҳолати аниқланмади. У елка бўғимининг акромиоклавикуляр қисми чўзилиши билан боғлиқ жароҳат олган. Никода эса ўнг оёқнинг яқинлаштирувчи мушаги жароҳати қайд этилган.
Қайд этилишича, ҳар икки футболчида ҳам мундиалнинг кейинги босқичларида Испания миллий жамоасига ёрдам бериш имконияти сақланиб қолмоқда.
Бу ҳолат жамоа мусобақанинг кейинги босқичларигача етиб борган тақдирда амалга ошиши мумкин.
