Britaniyalik teleboshlovchi Pirs Morgan va «Kristal Pelas»ning sobiq egasi Saymon Jordan JCH-2026 davomida Portugaliya terma jamoasi hujumchisi Krishtianu Ronalduning jismoniy holatini muhokama qildi.
«Ha, bilasizmi, men nima derdim? Menimcha, u ajoyib namuna. Ronaldu yosh shunchaki raqam ekanini isbotlayapti. U 41 yoshda, ammo ehtimol 30 yoshli inson tanasiga ega. Menimcha, u o‘zini namunali tarzda tutadi», — dedi Morgan.
Bunga javoban Saymon Jordan Ronalduning tanasiga katta e’tibor berishini tan oldi.
«U tanasiga juda yaxshi qaraydi. Bu meni xavotirga solmaydi, lekin hayratga soladi. Men esa boshqa erkaklarning tanasini tahlil qilishga vaqt sarflamayman», — dedi Jordan.
Shundan so‘ng Morgan kulgili voqeani ham eslab o‘tdi.
«X ijtimoiy tarmog‘imdagi mahkamlangan postni ko‘rsangiz, unda Ronaldu menga qarab: «Ha, senda yaxshi press bor ekan», degan videoni ko‘rasiz», — dedi u.
Jordan esa hazil tariqasida javob qaytardi:
«U ajoyib futbolchi, lekin bu safar yolg‘on gapirgan. Bu shunchaki seni xursand qilish uchun aytilgan iltifot edi», — dedi sobiq klub rahbari.
