Миср миллий жамоаси бош мураббийи Ҳусам Ҳасан ЖЧ-2026 гуруҳ босқичидан муваффақиятли ўтганидан сўнг ўз фикрлари билан ўртоқлашди.
«Гуруҳ босқичини мағлубиятсиз якунлаганимиздан фахрланамиз. Бу жуда қийин йўл бўлди ва плей-оффга чиқиш биз учун катта шараф.
Футболчиларимиз мухлисларга катта қувонч улашди ва бунинг учун улардан миннатдорман. Биз ҳеч кимдан қўрқмаймиз ва исталган рақибга қарши ўйнашга тайёрмиз», — деди Ҳасан ФИФА матбуот хизматига.
Эслатиб ўтамиз, Миср гуруҳ босқичида Белгия билан 1:1 ҳисобида дуранг ўйнади, Янги Зеландияни 2:1 ҳисобида мағлуб этди ва Эрон билан ҳам 1:1 ҳисобида дуранг қайд этди.
5 очко жамғарган мисрликлар тўплар нисбатига кўра Белгиядан ортда қолиб, гуруҳда иккинчи ўринни эгаллади. Жамоа 1/16 финалда Австралияга қарши майдонга тушади.
