Франциялик ҳимоячи Эляким Мангала профессионал футболчилик фаолиятини якунлаганини расман эълон қилди.
35 ёшли футболчи бу ҳақдаги хабарни ижтимоий тармоқлардаги саҳифаси орқали маълум қилди.
«Фаолиятим давомида турли мамлакатларда тўп тепдим, кўплаб инсонлар билан танишдим ва янги тилларни ўргандим. Буларнинг барчаси ҳаётимдаги ажойиб тажрибага айланди. Мен ўзимни жуда омадли инсон деб биламан», — деди Мангала.
Ҳимоячи 2014–2019 йилларда «Манчестер Сити» сафидаги фаолияти орқали кенг танилган. У «шаҳарликлар» билан Англия Премер-лигаси чемпионлигини қўлга киритган.
Шунингдек, Мангала фаолияти давомида «Порту», «Валенсия», Белгиянинг «Стандард» клуби ва бошқа жамоалар сафида ҳам тўп тепган. Унинг сўнгги клуби Боливиянинг «Ориенте Петролеро» жамоаси бўлди.
