«Ливерпул»нинг собиқ бош мураббийи Юрген Клопп жамоанинг ўтган мавсумдаги омадсиз иштироки ҳамда янги бош мураббий Андони Ираола ҳақида ўз фикрларини билдирди.
«Нима бўлганини билмайман. Вазиятни баҳолаш учун клубга етарлича яқин эмасман. Бир йил аввал улар чемпион бўлганидан жуда хурсанд бўлгандим, аммо кейинги мавсумда нима нотўғри кетганини билмайман.
Ўйлашимча, клубда ўтган мавсумдан деярли ҳеч ким мамнун эмас эди. Буни кўриш қийин эмас. Шунга қарамай, жамоа Чемпионлар лигаси йўлланмасини қўлга киритди ва бу ҳам муҳим ютуқ.
Энди эса янги мураббий Андони Ираола билан ҳаммасини бошидан бошлаш мумкин. У ҳам Арне Слот сингари кучли мутахассис. Аммо жамоа шаклланиши учун вақт ва бироз омад ҳам керак бўлади.
Ўтган мавсум олдидан «Ливерпул»да ҳеч ким кутмаган фожеа юз берди ва бундай вазиятни енгиб ўтиш жуда қийин. Мен аниқ нима бўлганини билмайман, аммо ўша мавсум ортда қолди. Энди клуб келажакка қараши мумкин», — деди Клопп.
Эслатиб ўтамиз, Клопп тилга олган фожеа «Ливерпул» футболчиси Диогу Жотанинг фожиали вафоти билан боғлиқ эди.
